Lu
Brasepiu
‘Ncuminciau
tuttu, na notte, all’eremu te Grecciu
ccù
san Frangiscu, armatu te curaggiu.
Ulia
rifazza la scena te Betlemme,
addru
nasciu la cchiù pura te le gemme.
Truvau
na mangiatura, ccù jove e ciucciu
e
finarmente, te lu cirieddru se ‘llavau lu crucciu.
Rrumase
stralunatu te lu messaggiu ca ‘nde mandau lu Signore,
puru
senza la Matonna, San Giuseppe e mancu nu pastore.
Quardandu
stu locu umile e pouru te suffraggi, foe cuntentu:
e
pansau: sulu ci nasce te bassezze ddaventa steddra te firmamentu.
A
morte sua, la Chesia sta ‘ntuizione la capiu
e
crazie alli frati minori se tramandau lu “bresepiu”, crazie a
Diu.
St’annu
lu brasepiu, don Pieru Punsignore, ha ulutu lu face
allu
centru te lu paese, propriu in via De Pace.
‘Ndè
chiamau na sera, don Oronzinu, tuttu prasciatu
e
già, stu prevete carusu, a nui ‘ndà ‘ntusiasmatu.
‘Nzignamme
dopu picca giurni ccù na bbona lena,
fatiandu
matina, espara e sera, senza nuddra pena.
Taule,
cumpensati, polistirolu e coddra te farina,
chiovi,
giurnali e cartuni, rrivara ‘mprima ‘mprima.
Mesci,
carusieddri, cristiani t’esperienza e don Oronzinu
ccuminciamme
trasfurmamu nu vecchiu macazzinu.
La
‘ntenzione era ccù creamu lu locu e lu camminu
ca
ficiara Maria e Giuseppe ccù pozza nascere lu Bambinu.
Partusi
e strittuleddre, chiazza e mercanzie,
‘nfratti,
puzzi e pile e pasturi peè le vie.
A
tratti scopre lu cielu e barlampene le steddre
acqua
te surgente, scrascie e rami te murteddre.
Lu
palazzu te li signuri, de fore mendicanti,
surdati,
chiante e fiuri e ‘ntorna li marcanti.
L’occhiu
te la gente quarda ‘ttentu lemme lemme,
puru
la casa te lu pane ca significa Bettlemme.
Trasi
e essi te la locanda, addru Giuseppe ciarcau riparu,
ma
nu truvau cunfortu e se ‘ndè sciu cchiu maru.
‘Nde
‘ndicara na crutteddra, rretu na staddra se truvava
e
propriu ‘ntra stu locu alla fine riparara.
Ddrù
bucu era scuru, umidu e chinu te rumasuije
ma
San Giuseppe stise nu lanzulu su fienu e mpuje.
Era
fridda ddrà notte ma era notte t’amore,
sulu
nu ciucciu e nu jove tavene calore.
Alla
menzanotte nà luce forte ‘lluminau ddrù mbiernu,
rrivau
na cumeta e tutti l’angili te lu Patreternu.
Sulla
terra rrivau ccù amore tantu,
cusì
comu ozze lu Spiritu Santu.
Comu
luce ppè cinca nu bbite,
comu
acqua ppé cinca tene site.
Comu
pane ppè cinca nu tene te mangiare,
comu
sparanza ppè ccì nù pote cchui sperare.
Speramu
ca alla gente lu brasepiu ndà piaciutu,
e
ccù pozza capire ccù lu core quiddru ca è Accadutu.
Ccù
capisca finu in fondu lu significatu te lu Natale,
ca
‘ndè amau te ‘mpena natu ma finu ‘ncroce lu facimme tribulare.
Antonio
Bentivoglio
13
dicembre 2016
Memoria
di S. Lucia V. e M.
Nessun commento:
Posta un commento